Gjermania regjistron mbi 73 mijë raste të reja me COVID-19
Numri i viktimave si pasojë e COVID-19 u rrit në 102.178 ndërsa numri i rasteve në 5.9 milionë
Berlin
Në 24 orët e fundit në Gjermani janë regjistruar 73.209 raste të reja me COVID-19, transmeton Anadolu Agency (AA).
Sipas Institutit Robert Koch (RKI), numri i rasteve me COVID-19 në vend u rrit në 5.9 milionë ndërsa numri i rasteve aktive në 895.300.
Me 388 viktima si pasojë e COVID-19 në 24 orët e fundit, numri total i vdekjeve u rrit në 102.178.
Numri i të infektuarve në 100 mijë banorë në javë është 439.2.
Numri i personave që morën dy doza të vaksinës së COVID-19 arriti në 57.1 milionë.