Bota, Koronavirusi

Gaza, falet namazi i parë i xhumasë pas ndërprerjes dymujore për shkak të pandemisë

Mijëra njerëz falën xhumanë nëpër xhami të ndryshme në Rripin e Gazës, duke i kushtuar kujdes masave mbrojtëse si mbajtja e maskave, ruajtja e distancës fizike dhe mosshtrëngimi i duarve

Mehmet Nuri Uçar   | 22.05.2020
Gaza, falet namazi i parë i xhumasë pas ndërprerjes dymujore për shkak të pandemisë ( Ashraf Amra - Anadolu Agency )

Gaza

Sot në xhamitë në Rripin e Gazës u bë falja e namazit të xhumasë për herë të parë pas ndërprerjes dymujore për shkak të pandemisë së koronavirusit të ri (COVID-19), transmeton Anadolu Agency (AA).

Mijëra njerëz falën xhumanë nëpër xhami të ndryshme në Rripin e Gazës, duke i kushtuar kujdes masave mbrojtëse si mbajtja e maskave, ruajtja e distancës fizike dhe mosshtrëngimi i duarve.

Ndërsa Komuna e Gazës mori përsipër dezinfektimin dhe pastrimin në disa xhami të rajonit, ekipet e Ministrisë së Vakëfeve u kujdesën për të vendosur vizat për ruajtjen e distancës fizike në xhami.

Xhamitë në Gaza ishin mbyllur më 23 mars në kuadër të luftës kundër virusit.

Ministria e Çështjeve Fetare dhe Vakëfeve më 17 maj njoftoi hapjen e xhamive për namazin e xhumasë dhe atë të Bajramit.

Sipas Ministrisë palestineze të Shëndetësisë në Gaza, deri më tani në enklavën palestineze janë regjistruar 49 raste me COVID-19.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın