FMN ul parashikimin për rritjen ekonomike të Japonisë në vitin 2021
Në parashikimin e FMN-së përmendet ndikimi i koronavirusit të ri (COVID-19) në aktivitetet ekonomike në Japoni në tremujorin e tretë të këtij viti, respektivisht në muajt korrik, gusht dhe shtator
Tokio
Fondi Monetar Ndërkombëtar (FMN) ka parashikuar se rritja ekonomike e Japonisë këtë vit do të jetë 2,4 për qind nga viti i mëparshëm, një ulje me 0.4 pikë përqindje krahasuar me vlerësimin e muajit korrik të FMN-së, transmeton Anadolu Agency (AA).
Në parashikimin e FMN-së përmendet ndikimi i koronavirusit të ri (COVID-19) në aktivitetet ekonomike në Japoni në tremujorin e tretë të këtij viti, respektivisht në muajt korrik, gusht dhe shtator.
Agjencia Kyodo raportoi se gjendja e jashtëzakonshme e zbatuar midis muajve prill dhe shtator në kuadër të luftës kundër pandemisë brenda dhe rreth kryeqytetit Tokio, ndikoi negativisht në ekonominë japoneze.
Parashikimi i FMN-së për rritjen në vitin 2022 për ekonominë japoneze u rrit me 0,2 pikë në 3,2 për qind.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.