Filmi i ri i regjisorit Ruben Ostlund “Trekëndëshi i trishtimit” (Triangle of Sadness), i bashkëprodhuar nga Korporata e Radios dhe Televizionit Turk (TRT), fitoi Palmën e Artë (Palme d’Or) në festivalin e 75-të të filmit në Kanë, raporton Anadolu Agency (AA).

Regjisori suedez fitoi një nga çmimet më prestigjioze të kinemasë për herë të dytë, pasi mori çmimin më të lartë të Festivalit të Filmit në Kanë në vitin 2017 për filmin “The Square”.

“Trekëndëshi i trishtimit” është një satirë sociale për industrialistët dhe influencuesit e pasur, duke shfaqur dy modele dhe influencues, Carl (Harris Dickinson) dhe Yaya (Charlbi Dean), të cilët janë të ftuar në një lundrim me jahte luksoze.

Përveç Turqisë, vende të tjera bashkëprodhuese ishin Suedia, Franca, Shtetet e Bashkuara, Mbretëria e Bashkuar, Zvicra dhe Greqia.

E drejtuar nga aktori francez Vincent Lindon, juria e Kanës i dha çmimin e dytë të festivalit, Grand Prix, regjisores franceze Claire Denis për filmin “The Stars at Noon” dhe regjisorit belg Lukas Dhont për “Close”.

Çmimi i Jurisë u nda midis “EO” nga regjisori polak Jerzy Skollimowski dhe “Tetë Malet”, një dramë në gjuhën italiane nga Charlotte Vandermeersch dhe Felix Van Groeningen.