Bota

Filloi forumi publik ruso-turk në Shën Petersburg

Marrëdhëniet mes dy vendeve janë bërë shumëdimesionale, thotë bashkë-kryetari i palës turke të forumit

Elena Teslova   | 11.07.2019
Filloi forumi publik ruso-turk në Shën Petersburg ( Valentin Yegorshin - Anadolu Agency )

Moskë

Sesioni i pestë i forumit publik ruso-turk ka filluar të enjten në Shën Petersburg, raporton Anadolu Agency (AA).

Duke folur gjatë ceremonisë së inaugurimit, bashkë-kryetari i palës turke të forumit, Ahmet Berat Conkar, rikujtoi se marrëdhëniet mes Turqisë dhe Rusisë kanë histori shumë të gjatë dhe tha se këto marrëdhënie janë bërë shumëdimensionale.

Conkar e quajti Rusinë "një partner të çmueshëm" të Turqisë dhe theksoi rolin e presidentëve të Rusisë dhe Turqisë në ndërtimin e lidhjeve të fuqishme mes dy vendeve.

Ai çmoi bashkëpunimin mes Rusisë dhe Turqisë në sektorët e energjisë, mbrojtjes dhe ekonomisë dhe theksoi rëndësinë e lidhjeve humanitare, numrin e lartë të martesave mes shtetasve turq dhe rusë dhe turizmin e përbashkët.

Conkar tha se shpreson që së shpejti do të rivendoset regjimi pa viza mes dy vendeve.

Forumi publik ruso-turk u themelua në vitin 2010 me vendim të presidentit rus Vladimir Putin dhe homologut turk Recep Tayyip Erdoğan për të përforcuar bashkëpunimin dhe lidhjet mes dy shteteve në sferën humanitare.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.