Autoritetet egjiptiane ekzekutuan 11 të burgosur në një burg në veri të vendit në kohën kur vendi po përballet me kritika të mëdha ndërkombëtare për të drejtat e njeriut për këtë veprim, transmeton Anadolu Agency (AA).

E përditshmja egjiptiane Al-Watan tha se "Autoriteti Egjiptian i të Burgosurve të hënën ekzekutoi 11 të burgosur të dënuar në raste penale".

"Kufomat u transferuan në morgun Kom El Deka të Aleksandrisë, pastaj do t'u dorëzohen familjeve të tyre për varrim", raportoi ajo.

Duke cituar një burim anonim sigurie, e përditshmja tha se ekzekutimet u zhvilluan pas të gjitha niveleve të proceseve gjyqësore, duke i bërë dispozitat "përfundimtare dhe të zbatueshme".

Në raportim citohet se burimi ka thënë se "të ekzekutuarit u dënuan në raste të vrasjeve dhe vjedhjeve".

Në vitet e fundit, Egjipti ka injoruar kritikat ndërkombëtare të të drejtave të njeriut mbi dënimin me vdekje.

Veçanërisht, Amnesty International lëshoi një raport mbi ekzekutimet në të gjithë botën vitin e kaluar dhe Egjipti u rendit i treti në botën Arabe dhe i pesti në të gjithë botën midis vendeve me më shumë ekzekutime të kryera në 2019, pas Kinës, Iranit, Arabisë Saudite dhe Irakut.