Avioni polak goditet nga rrufeja dhe kthehet në aeroport
Zëdhënësi i linjës ajrore, Krzysztof Moczulski, tha se rrufeja goditi një avion të tipit 'Boeing 787 Dreamliner' që ishte rrugës për në Puerto Plata në Republikën Domenikane
Varshavë
LOT Polish Airlines ka njoftuar se një prej avionëve të saj u godit nga rrufeja pak pas nisjes, duke detyruar avionin të kthehej në Varshavë, ku u ateroi i sigurt, transmeton Anadolu Agency (AA).
Zëdhënësi i linjës ajrore, Krzysztof Moczulski, tha se rrufeja goditi një avion të tipit 'Boeing 787 Dreamliner' që ishte rrugës për në Puerto Plata në Republikën Domenikane.
Moczulski tha se pasagjerët u larguan nga avioni dhe u transferuan në një terminal të aeroportit. Ai njoftoi se fluturimi u caktua të vazhdojë me një aeroplan tjetër në orët e hershme të pasdites.
Kanali polak i lajmeve TVN24 citoi një pasagjer të thoshte se udhëtarët përjetuan një moment të tmerrshëm në bordin e avionit.
Moczulski tha se aeroplanët LOT goditen nga rrufeja rreth 10 herë në vit.