Bota, Koronavirusi

Austria vazhdon izolimin e plotë deri më 11 dhjetor

Njerëzit mund të dalin nga shtëpitë vetëm për shkaqe të caktuara, duke përfshirë blerjen e gjërave ushqimore, shkuarjen në mjek apo për stërvitje

Ekip  | 01.12.2021 - Përdıtësım : 01.12.2021
Austria vazhdon izolimin e plotë deri më 11 dhjetor

Berlin

Izolimi i plotë në Austri zyrtarisht është vazhduar deri më 11 dhjetor, ashtu edhe siç ishte planifikuar, për shkak të rasteve të reja në rritje të koronavirusit të ri (COVID-19), transmeton Anadolu Agency (AA).

Parlamenti austriak miratoi vazhdimin e izolimit të katërt në nivel shtetëror për shkak të pandemisë, izolim i cili filloi më 22 nëntor, bëri të ditur agjencia austriake e lajmeve APA.

Sipas këtij vendimi, shitoret e gjërave elementare të cilat deri më tani kanë punuar deri në ora 21:00, deri më 11 dhjetor do të punojnë deri në ora 19:00.

Qeveria miratoi masa të reja për shkak se u regjistrua rritje edhe në numrin e viktimave nga COVID-19.

Spitalet në rajonet e prekura kanë paralajmëruar se njësitë e kujdesit intensiv janë mbushur pothuajse në kapacitetet e tyre.

Njerëzit mund të dalin nga shtëpitë vetëm për shkaqe të caktuara, duke përfshirë blerjen e gjërave ushqimore, shkuarjen në mjek apo për stërvitje.

Qendrat ditore dhe shkollat kanë mbetur të hapura për ata që kanë nevojë, por prindërve u është kërkuar që fëmijët t'i mbajnë në shtëpi nëse është e mundur.

Çfarë do të ndodh pas 11 dhjetorit, varet nga situata në atë moment. Megjithatë, zyrtarët thanë se masat kufizuese do të mbeten në fuqi për personat e pavaksinuar.

Austria ka nivel relativisht të ulët të vaksinimit në krahasim me vendet tjera të Evropës Perëndimore, me pothuajse 67 për qind të banorëve që janë vaksinuar plotësisht.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın