Asgjësohet një bombë në kryeqytetin e Venezuelës
Forcat e sigurisë kanë asgjësuar një bombë artizanale e cila ishte lënë në një skaj të rrugës në lagjen ku ndodhen disa ambasada dhe përfaqësi diplomatike në kryeqytetin e Venezuelës, Caracas
Bogota
Forcat e sigurisë kanë asgjësuar një bombë artizanale e cila ishte lënë në një skaj të rrugës në lagjen ku ndodhen disa ambasada dhe përfaqësi diplomatike në kryeqytetin e Venezuelës, Caracas, transmeton Anadolu Agency (AA).
Sipas lajmeve në shtypin venezuelian, ekipet e Shërbimit Informativ Kombëtar Bolivarian (SEBIN) fillimisht bllokuan hyrjet dhe daljet në lagjen La Castellana dhe më pas kanë shpërthyer në mënyrë të kontrolluar bombën artizanale.
Ekipet e SEBIN përcaktuan se në pakon e dyshimtë ndodhej një bombë artizanale e punuar me dorë e cila ishte lënë në një skaj të rrugës në lagjen ku ndodhen disa ambasada dhe përfaqësi diplomatike në Caracas.
Në lagjen La Castellana ndodhet edhe ambasada e Spanjës ku është strehuar Loepoldo Lopez, një nga emrat e opozitarëve në Venezuelë që kryen tentativën ushtarake për grusht shteti që dështoi më 30 prill.
Poashtu edhe javën e kaluar me arsyetimin e vendosjes së një bombe, ekipet e SEBIN evakuuan ndërtesën e Asamblesë Kombëtare (AN) e cila kontrollohet me shumicë nga opozita.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.