Anëtari i FETO-s nga Algjeria dërgohet në Turqi me një operacion të policisë dhe MPJ-së
I dyshuari për terrorizëm ishte menaxher i një kompanie të lidhur me FETO-n në vendin e Afrikës Veriore
Ankara
Një i dyshuar i lidhur me organizatën terroriste FETO është arrestuar dhe sjellë në Turqi nga Algjeria, njoftoi një burim i sigurisë të hënën, raporton Anadolu Agency (AA).
I dyshuari për terrorizëm u arrestua si rezultat i punës së përbashkët të Ministrisë së Jashtme të Turqisë dhe Drejtorisë së Përgjithshme të Sigurisë, tha burimi, i cili kërkoi të mbetet anonim për shkak të kufizimeve për t'u prononcuar për media.
I dyshuari ishte menaxher i një kompanie të lidhur me FETO-n në Algjeri.
Organizata terroriste FETO dhe udhëheqësi i saj me bazë në SHBA, Fetullah Gulen, orkestruan grusht shtetin e mposhtur të 15 korrikut të vitit 2016 i cili la 251 martirë dhe afër 2.200 të plagosur.
FETO qëndron pas një fushate të gjatë për përmbysjen e shtetit përmes infiltrimit të institucioneve turke, veçanërisht në ushtri, polici dhe gjyqësor.
Që nga përpjekja e grushtit të shtetit, dhjetëra mijëra të dyshuar të FETO-s janë arrestuar, duke përfshirë shumë anëtarë të tyre në forcat e armatosura, polici, sistemin e drejtësisë dhe sektorin e arsimit.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
