Afganistan, 11 civilë të vdekur nga sulmi ajror i NATO-s
Kryetari i Këshillit provincial në Herat, Mahdi Hadid konfirmoi se sulmi mbi automjetin me civilë është kryer nga fluturakja pa pilot e NATO-s
Kabul
Së paku 11 persona e kanë humbur jetën gjatë një sulmi ajror të NATO-s në provincën Herat të Afganistanit, raporton Anadolu Agency (AA).
Kryetari i Këshillit provincial në Herat, Mahdi Hadid konfirmoi se sulmi mbi automjetin me civilë është kryer nga fluturakja pa pilot e NATO-s.
Ai theksoi se kanë humbur jetën 11 civilë, duke shtuar se në mesin e të pësuarve gjenden 8 fëmijë.
Jeylani Farhad, zëdhënës i Zyrës së Guvernatorit të Herat-it, tha se tre talebanë janë vrarë në sulm dhe është nisur një hetim lidhur me vrasjen e civilëve.
Ali Can është një i afërm i viktimave të sulmit.
"Sulmi është kryer derisa të afërmit po udhëtonin në shtëpi. Ata u sulmuan derisa ishin në një automjet që nuk kishte anëtarë të një organizate terroriste", tha Can.
Në rajonin Herat gjendet baza ushtarake e SHBA-ve që vepron në kuadër të NATO-s.
Talebanët ende nuk janë prononcuar lidhur me ngjarjen.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
