Bota

Indi, 10 të vdekur pas shembjes së një ndërtese

Shembja ndodhi në rrethin Thane të kryeqytetit financiar të Indisë, Mumbai, në shtetin Maharashtra

Ekip   | 21.09.2020
 Indi, 10 të vdekur pas shembjes së një ndërtese

New Delhi

Të paktën 10 persona kanë humbur jetën, ndërsa 11 të tjerë janë plagosur si pasojë e shembjes së një ndërtese katër katëshe në Indi, transmeton Anadolu Agency (AA).

Shembja ndodhi në rrethin Thane të kryeqytetit financiar të Indisë, Mumbai, në shtetin Maharashtra.

Drejtori i përgjithshëm i Forcës Kombëtare të Reagimit ndaj Fatkeqësive, Satya Pradhan, njoftoi se si pasojë e shembjes kanë humbur jetën të paktën 10 persona, ndërsa janë plagosur 11 të tjerë.

Ekipet e kërkim shpëtimit janë duke vazhduar kërkimin e 20 deri 25 personave të mbetur nën rrënoja.

Disa zona të Maharashtra kanë regjistruar shirat muson, por nuk është e qartë nëse shembja është shkaktuar nga reshjet e mëdha të shiut.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın