BALLKANI, Koronavirusi

Shqipëri, 6 viktima dhe 136 raste të reja me koronavirus

Gjatë 24 orëve të fundit në Shqipëri janë realizuar 561 testime për të dyshuar të prekur me COVID-19 dhe rastet më të larta janë regjistruar në Tiranë

Saimir Alija   | 09.08.2020
Shqipëri, 6 viktima dhe 136 raste të reja me koronavirus Foto: AA/Arhiv

Albania

Në Shqipëri janë regjistruar 136 raste të reja me koronavirusin e ri (COVID-19) dhe 6 persona kanë humbur jetën gjatë 24 orëve të fundit, transmeton Anadolu Agency (AA).

Në njoftimin e përditshëm të Ministrisë së Shëndetësisë dhe Mbrojtjes Sociale, është bërë e ditur se numri i përgjithshëm i rasteve të konfirmuara në Shqipëri është rritur në 6.411 dhe numri i të vdekurve në 199.

Gjatë 24 orëve të fundit në Shqipëri janë realizuar 561 testime për të dyshuar të prekur me COVID-19 dhe rastet më të larta janë regjistruar në Tiranë.

Sipas të dhënave të ministrisë, në 24 orët e fundit janë shëruar 74 qytetarë, duke e çuar në 3.342 numrin e të shëruarve.

Ministria e Shëndetësisë dhe Mbrojtjes Sociale e Shqipërisë i rikujton qytetarëve se vendosja e maskës në ambientet e mbyllura është e detyrueshme dhe se moszbatimi i kësaj mase është e dënueshme sipas aktit normativ në fuqi.

Në Shqipëri që nga fillimi i pandemisë janë kryer gjithsej 45942 testime dhe Instituti i Shëndetit Publik vazhdon punën në terren për rastet e dyshuara me koronavirus.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın