Presidenti francez vizitë në Shqipëri

Presidenti i Francës, Emmanuel Macron, ka mbërritur në Tiranë në kuadër të vizitës zyrtare që do të realizojë në Shqipëri, transmeton Anadolu.

Zv/kryeministrja dhe ministrja e Infrastrukturës dhe Energjisë e Shqipërisë, Belinda Balluku, priti në Aeroportin Ndërkombëtar "Nënë Tereza" presidentin francez.

Ndërkohë, kryeministri Edi Rama priti në Pallatin e Brigadave presidentin francez, ndërsa të pranishëm ishin edhe zyrtarë dhe personalitete nga fusha të ndryshme nga të dyja vendet.

Gjatë pritjes në Pallatin e Brigadave, Macronnë një ceremoni i dorëzoi shkrimtarit shqiptar Ismail Kadare dekoratën e “Oficerit të Madh të Legjionit të Nderit”.

Presidenti Macronmë 17 tetor do të zhvillojë takime me zyrtarët e lartë të Shqipërisë, si presidentin Bajram Begaj dhe kryeministrin Rama.

Presidenti Macron do të pritet me ceremoni shtetërore nga presidenti Begaj në Presidencën e Shqipërisë.