Maqedonia e Veriut gjatë 24 orëve të fundit ka regjistruar 721 raste të tjera të koronavirusit të ri (COVID-19), si dhe 7 viktima, transmeton Anadolu Agency (AA).

Sipas të dhënave të Ministrisë së Shëndetësisë, numri i përgjithshëm i rasteve të konfirmuara me koronavirus në vend ka arritur në 102.482, ndërsa numri i të vdekurve në 3.126.

Institucionet shëndetësore tregojnë se 171 pacientë të tjerë janë shëruar nga virusi, duke e çuar në gjithsej 91.066 numrin e përgjithshëm të pacientëve të shëruar të cilët paraprakisht ishin të prekur nga koronavirusi.

Që nga shpërthimi i pandemisë, autoritetet shëndetësore kanë kryer gjithsej 519.985 teste të dyshuara për COVID-19, përfshirë 3.816 teste të kryera brenda ditës së fundit.

Aktualisht numri i rasteve aktive me COVID-19 në Maqedoninë e Veriut është 8.290.