BALLKANI, Koronavirusi

Maqedoni e Veriut, 20 raste të reja dhe një viktimë nga COVID-19

Gjatë ditës së fundit janë shëruar 24 pacientë të tjerë paraprakisht të testuar pozitiv ndaj koronavirusit, ndërsa numri i përgjithshëm i të shëruarve në vend arrin në 1.411

Abdula Berisha   | 23.05.2020
Maqedoni e Veriut, 20 raste të reja dhe një viktimë nga COVID-19

Shkup

Maqedonia e Veriut në 24 orët e fundit ka konfirmuar 20 raste të reja me koronavirusin e ri (COVID-19), me çka numri i përgjithshëm i të prekurve nga ky virus në vend është rritur në 1.941, transmeton Anadolu Agency (AA).

Ministria e Shëndetësisë njoftoi edhe për një viktimë tjetër të regjistruar nga COVID-19, duke e çuar në 113 numrin e përgjithshëm të të vdekurve.

Ndërkohë, gjatë ditës së fundit janë shëruar 24 pacientë të tjerë paraprakisht të testuar pozitiv ndaj koronavirusit. Numri i përgjithshëm i të shëruarve në vend arrin në 1.411, ndërsa numri i rasteve aktive me këtë virus është 417.

Gjatë 24 orëve të fundit në Maqedoninë e Veriut janë kryer 744 teste për COVID-19, ndërsa numri i përgjithshëm i testeve të kryera që nga shpërthimi i pandemisë është 24.762.

Kujtojmë se dje, kryeministri i Maqedonisë së Veriut, Oliver Spasovski, njoftoi për vendimin e qeverisë për të ndryshuar orën policore gjatë festës së Fitër Bajramit si masë për parandalimin e përhapjes së koronavirusit të ri (COVID-19).

"Ndalohet lëvizja e të gjithë qytetarëve në gjithë territorin e shtetit duke filluar nga e diela, 24 maj, në ora 11:00, deri të martën, 26 maj, ora 05:00", shkroi Spasovski.

Dita e dielë është dita e parë e Fitër Bajramit, në të cilën është lejuar lëvizja e qytetarëve nga ora 05:00 deri në ora 11:00.

Gjatë ditës së hënë, që është dita e dytë e Fitër Bajramit, është e ndaluar lëvizja e qytetarëve gjatë gjithë ditës, deri në mëngjesin e së martës në ora 05:00.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın