BALLKANI

Kryeprokurori Lumezi takon ambasadorin turk në Kosovë

Kryeprokurori Lumezi dhe Ambasadori Sakar, kanë biseduar për mbrojtjen e të drejtave të investitorëve turq në Kosovë si dhe për rritjen e bashkëpunimit juridik ndërkombëtar ndërmjet dy vendeve

Agim Sulaj  | 09.09.2019 - Përdıtësım : 09.09.2019
Kryeprokurori Lumezi takon ambasadorin turk në Kosovë Burimi: Prokuroria e Shtetit

Prishtinë

Kryeprokurori i Shtetit, Aleksandër Lumezi, ka pritur sot në takim Ambasadorin e Turqisë në Kosovë, Çağrı Sakar, transmeton Anadolu Agency (AA).

Siç njofton komunikata nga Kryeprokuroria, kryeprokurori Lumezi e ka njoftuar Ambasadorin Sakar me punën dhe funksionimin e sistemit prokurorial, në veçanti të Prokurorit të Shtetit, si dhe sfidat me të cilat ballafaqohet ky institucion në përmbushjen e misionit të tij në forcimin e sundim të ligjit. 

Poashtu, Kryeprokurori Lumezi dhe Ambasadori Sakar, kanë biseduar për mbrojtjen e të drejtave të investitorëve turq në Republikën e Kosovës si dhe për rritjen e bashkëpunimit juridik ndërkombëtar ndërmjet institucioneve të drejtësisë kosovare dhe atyre turke në luftimin e dukurive dhe veprave të ndryshme kundërligjore. 

Ndërkaq, ambasadori Sakar ka vlerësuar punën e të cilën është duke e bërë Prokurori i Shtetit, me ç’rast ka konfirmuar mbështetjen e shtetit që përfaqëson në forcimin e sistemit prokurorial. 

Në fund të takimit, Kryeprokurori i Shtetit, Lumezi ka falënderuar Ambasadorin, Sakar, për ndihmën që shteti turk në vazhdimësi e ka dhënë dhe vazhdon ta japë për sistemin e drejtësisë në Republikën e Kosovës.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.