Kosovë, ministri i Brendshëm Sveçla zhvilloi takim me ambasadorin e Turqisë
Ministri Sveçla ka njoftuar ambasadorin Sakar me prioritetet e Ministrisë së Punëve të Brendshme, duke nënvizuar se “luftimi i krimit të organizuar dhe korrupsioni janë kryefjala e kësaj qeverie”
Prishtinë
Ministri i Punëve të Brendshme të Kosovës, Xhelal Sveçla ka pritur në takim ambasadorin e Turqisë në Prishtinë, Çagri Sakar, transmeton Anadolu Agency (AA).
Siç njofton MPB, ministri Sveçla ka falënderuar ambasadorin turk për partneritetin dhe ndihmën që Turqia i ka ofruar në vazhdimësi Kosovës.
Gjatë takimit ministri Sveçla ka njoftuar ambasadorin Sakar me prioritetet e Ministrisë së Punëve të Brendshme, duke nënvizuar se “luftimi i krimit të organizuar dhe korrupsioni janë kryefjala e kësaj qeverie”.
Ambasadori i Turqisë, Sakar e ka uruar ministrin Sveçla për marrjen e detyrës, teksa ka shprehur përkushtimin e shtetit të tij, Turqisë, për vazhdimin e bashkëpunimit me shtetin e Kosovës.