Kosovë, me 5 raste të reja, shkon në 1.147 numri i të infektuarve me COVID-19
Të enjten në Laboratorin e Mikrobiologjisë Molekulare janë testuar gjithsej 294 mostra të dyshuara me COVID-19
Prishtinë
Autoritetet shëndetësore në Kosovë kanë bërë të ditur se edhe 5 persona janë diagnostikuar pozitiv me koroanvirusin e ri (COVID-19), duke çuar në 1.147 numrin e përgjithshëm të të infektuarve, transmeton Anadolu Agency (AA).
Bazuar në të dhënat e fundit të Instituti Kombëtar të Shëndetësisë Publike të Kosovës (IKSHPK), nuk është regjistruar ndonjë rast i ri që ka përfunduar me vdekje nga ky virus, mirëpo 3 pacientë të rinj janë shëruar, teksa numri i të shëruarve deri më tani ka shkuar në 874.
Të enjten në Laboratorin e Mikrobiologjisë Molekulare janë testuar gjithsej 294 mostra të dyshuara me COVID-19, ndërsa nga data 8 shkurt e këtij viti deri më tani janë testuar gjithsej 15.880 mostra.
Rastet e reja pozitive janë raste kontakti nga komuna të ndryshme të Kosovës, nga të cilat me numër më të madh janë regjistruar në Komunën e Fushë Kosovës.
Në Kosovë nga koronavirusi me vdekje deri më tani kanë përfunduar 30 pacientë, të cilët sipas autoriteteve shëndetësore “kanë pasur edhe sëmundje tjera shoqëruese”.