Kosovë, kryeministri Albin Kurti priti në takim myftiun Naim Tërnava
Kryeministri Kurti e falënderoi myftiun Tërnava për bashkëpunimin dhe kontributin që ai dhe BIK-u kanë dhënë për respektimin e rregullave dhe masave mbrojtëse për parandalimin e përhapjes së COVID-19
Prishtinë
Kryeministri i Republikës së Kosovës, Albin Kurti, ka pritur në takim kryetarin e Bashkësisë Islame të Kosovës (BIK), myftiun Naim Tërnava, transmeton Anadolu Agrncy (AA).
Siç njofton Zyra e Kryeministrit të Kosovës, myftiu Tërnava e uroi kryeministrin Kurti për detyrën dhe shprehu bindjen se qeveria e re do të punojë për ndryshimet e nevojshme që presin qytetarët nga Qeveria Kurti.
Kryeministri Kurti e falënderoi myftiun Tërnava për bashkëpunimin dhe kontributin që ai dhe BIK-u kanë dhënë për respektimin e rregullave dhe masave mbrojtëse për parandalimin e përhapjes së COVID-19.
Sipas ZKM-së, në takim u bisedua për sfidat në ballafaqimin me pandeminë dhe veprimet për tejkalimin e vështirësive, si dhe domosdoshmërinë për kujdes e vëmendje të shtuar në ruajtjen e shëndetit publik.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.