Qeveria e Maqedonisë së Veriut informoi se një grup prej 27 shtetasish afganë të cilët qëndronin përkohësisht në vend, në mëngjes nga Aeroporti Ndërkombëtar i Shkupit u nisën me familjet e tyre për në Dublin, Republika e Irlandës, si destinacion i përhershëm i tyre, transmeton Anadolu Agency (AA).

Në një deklaratë të qeverisë thuhet se bëhet fjalë për persona të cilët punonin për institucionet demokratike dhe OJQ -të ndërkombëtare në Afganistan dhe ishin nën kërcënim nga qeverisja e re talebane.

Qeveria gjithashtu informon se kostot janë mbuluar plotësisht nga organizatat ndërkombëtare.

"Aktualisht janë 442 qytetarë afganë, gra dhe fëmijë nga anëtarë të familjeve të punonjësve të misioneve paqeruajtëse humanitare, demokratike dhe ndërkombëtare, aktivistë të të drejtave të njeriut, përkthyes, studentë dhe bursistë", thuhet në deklaratë.

Qeveria informon se gjatë qëndrimit të tyre, institucionet ofrojnë të gjithë mbështetjen e nevojshme për qytetarët e Afganistanit derisa të sigurohet një transferim në destinacionin e tyre përfundimtar.