BALLKANI, Koronavirusi

Greqia do të nisë vaksinimin kundër COVID-19 tek fëmijët e grupmoshës 5-11 vjeç

Sekretari i Përgjithshëm i Ministrisë së Shëndetësisë, Marios Themistokleus, u shpreh se vaksina e parë kundër COVID-19 do t’u jepet fëmijëve të grupmoshës 5-11 vjeç më 15 dhjetor

Derya Gülnaz Özcan   | 07.12.2021
Greqia do të nisë vaksinimin kundër COVID-19 tek fëmijët e grupmoshës 5-11 vjeç

Athinë

Në Greqi do të nisë procesi i vaksinimit të fëmijëve të grupmoshës 5-11 vjeç kundër koronavirusit (COVID-19), njoftuan autoritetet shëndetësore të vendit, transmeton Anadolu Agency (AA).

Në një deklaratë, sekretari i përgjithshëm i Ministrisë së Shëndetësisë, Marios Themistokleus, u shpreh se vaksina e parë kundër COVID-19 do t’u jepet fëmijëve të grupmoshës 5-11 vjeç më 15 dhjetor.

Themistokleus vuri në dukje se aplikimet në platformën përkatëse digjitale për prenotim mund të bëhen nga data 10 dhjetor.

Ai tha se ka një rritje në prenotimet për vaksinim pas marrjes së masave inkurajuese. Themistokleus shtoi se ndërsa shkalla e të rriturve që kanë marrë të paktën një dozë të vaksinës është 82,2 për qind në Bashkimin Evropian (BE), kjo normë është 77,8 për qind në Greqi.

Në Greqi tashmë është vendosur të zbatohet gjobë prej 100 eurosh në muaj për shtetasit mbi 60 vjeç që nuk kanë marrë vaksinën kundër COVID-19 deri më 16 janar. Pas këtij vendimi, vendi regjistroi një rritje të prenotimeve për vaksinim.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın