Turqi, një grua 116-vjeçare fiton betejën me COVID-19
Ayşe Karatay në qytetin Eskişehir, ishte infektuar rreth tri javë më parë
Eskisehir
Një grua 116-vjeçare me emrin Ayşe Karatay në qytetin perëndimor të Turqisë, Eskişehir, ka fituar betejën me koronavirusin e ri (COVID-19), raporton Anadolu Agency (AA).
Karatay, e cila ishte diagnostikuar para rreth tri javësh, ishte marrë në kujdes intensiv në Spitalin e Qytetit.
Djali i gruas së moshuar, Ibrahim Karatay, në deklaratën për gazetarët tha se janë ndier shumë të lumtur kur e kanë marrë lajmin se nëna e tyre është shëruar.
Ai tha se nëna e tij ka marrë vetëm një dozë të vaksinës.
"Ishte e vaksinuar vetëm me një dozë Sinovac. Nuk kishte marrë dozën e dytë. Të kishte marrë dozën e dytë ndoshta do të kalonte më lehtë. Inshallah do te jetë më mirë. Ajo është sëmurë me virusin para tri javësh në mesin e familjarëve", tha ai.
Karatay falënderoi personelin mjekësor për shërbimin ndaj nënës së tij.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
