Bota, Analizë

Libi, forcat qeveritare sulmojnë militantët e Haftarit

Sulmet ajrore shënjestruan militantët besnikë të komandantit renegat Khalifa Haftar në bazën ajrore Al-Watiya, tha Mohammed Kanunu, zëdhënës ushtarak i qeverisë libiane

Burak Dağ   | 28.04.2020
Libi, forcat qeveritare sulmojnë militantët e Haftarit

Tripoli

Qeveria e Pajtimit Kombëtar (GNA) e Libisë e njohur nga OKB njoftoi se forcat e saj kryen sulme ajrore në bazën ajrore Al-Watiya, e cila kontrollohet nga militantët besnikë të komandantit renegat Khalifa Haftar, transmeton Anadolu Agency (AA).

Zëdhënësi ushtarak i GNA-së, Mohammed Kanunu, lëshoi ​​një deklaratë mbi zhvillimet në bazën ajrore në Libinë perëndimore.

Kanunu tha se forcat e GNA-së kryen pesë sulme ajrore që kishin në shënjestër ushtarët besnikë të Haftarit dhe automjetet ushtarake në bazë.

Sulmet ajrore u kryen si reagim ndaj sulmeve nga milicitë e Haftarit ndaj civilëve në Tripoli, thuhet më tej në deklaratë.

Al-Watiya vlerësohet si një nga bazat më të rëndësishme ajrore në vend dhe është e dyta pas Aeroportit Mitiga. Ai u mor në gusht të vitit 2014 nga Haftari, udhëheqësi i forcave të armatosura ilegale në lindjen e Libisë, i cili e përdori atë si bazën e tij për operacionet në perëndim të vendit.

GNA është sulmuar nga forcat e Haftarit që nga prilli i kaluar, duke lënë më shumë se 1.000 të vrarë nga dhuna. GNA filloi operacionin "Stuhia e Paqes" më 26 mars për të zmbrapsur sulmet ndaj kryeqytetit.

Që nga rrëzimi i sundimtarit disadekadësh Muammar Gaddafi në vitin 2011, në vend janë shfaqur dy qeveri, ajo e Haftarit në Libinë lindore, e mbështetur nga Egjipti dhe Emiratet e Bashkuara Arabe, dhe GNA në Tripoli, e cila gëzon njohjen e OKB-së dhe atë ndërkombëtare.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın