Турското МНР со сочувство до Северна Македонија по повод сообраќајната несреќа
Турското МНР испрати телеграма со сочувство до граѓаните на Република Северна Македонија, по повод сообраќајната несреќа на релацијата Скопје - Тетово, во која животот го загубија 14 лица
Ankara
АНКАРА (АА) - Министерството за надворешни работи на Република Турција испрати телеграма со сочувство до Република Северна Македонија, по повод сообраќајната несреќа што се случи на релацијата Скопје - Тетово, јавува Anadolu Agency (AA).
Во телеграмата на турското МНР се вели:
„Со тага ја примивме веста дека синоќа, на релацијата Скопје - Тетово, се случила сообраќајна несреќа, во која загинаа 14 лица и има голем број повредени. На семејствата на загинатите и на нашиот братски народ на Македонија им изразуваме сочувство, а на ранетите им посакуваме брзо закрепнување.“
Синоќа на релацијата Скопје - Тетово се случи тешка сообраќајна несреќа во која се преврте патнички автобус. Во несреќата животот го загубија 14 лица, а повеќе од 30 се повредени.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.