ЗАГРЕБ (АА) - Во сообраќајна несреќа што се случи утрово на автопатот кај Славонски Брод (Хрватска) загинаа најмалку десет лица, пренесува Агенција Анадолија (АА).

Полицијата најпрво објави дека загинале три лица, а подоцна објави дека во несреќата загинале десет лица, пренесоа хрватските медиуми.

„Ситуацијата е многу тешка и сè уште има многу патници во животна опасност“, изјавија од полицијата на Бродско-посавската жупанија.

Полицијата установи дека не станува збор за македонски автобус, како што соопшти претходно, туку за косовски автобус.

„За време на извршување на увидот полицијата утврди дека станува збор за автобус со косовски национални и регистарски ознаки и дека според моментално достапните информации, во сообраќајната несреќа загинати се 10 лица, додека неколку десетици се пренесени во болницата во Славонски Брод за укажување лекарска помош. Повеќе информации ќе имаме откако ќе заврши истрагата“, соопшти полицијата утрово.