Турција

Турција го критикува признавањето на настаните од 1915 година како геноцид од страна на Холандија

- Турција денеска ја критикуваше одлуката на Претставничкиот дом на Холандија за признавањето на настаните од 1915 година како геноцид врз Ерменците

Dilara Hamit   | 26.02.2021
Турција го критикува признавањето на настаните од 1915 година како геноцид од страна на Холандија

АНКАРА

Турција денеска ја критикуваше одлуката на Претставничкиот дом на Холандија за признавањето на настаните од 1915 година како геноцид врз Ерменците, јавува Агенција Анадолија (АА).

Портпаролот на турското Министерство за надворешни работи, Хами Аксој, изјави дека одлуката и повикот до Парламентот да ги признае настаните од 1915 година како геноцид е ништовен обид да се преработи историјата со политички мотиви.

„Советите не се места за пишување и судење на историјата. Оние кои се согласуваат со оваа одлука, наместо да бараат што всушност се случило во 1915 година, по гласовите се како популисти“, изјави Аксој.

Тој ги покани потписниците на одлуката за испитување на Конвенцијата на ОН за спречување и казнување на злосторството за геноцид од 1948 година и одлуките на Европскиот суд за човекови права.

„Ве покануваме да ги поддржите напорите за подобро разбирање на историското прашање“, рече тој, додавајќи дека предлогот на Турција за заедничка Комисија за историја, на кој Ерменија не одговорила, бил еден од тие напори.

Портпаролот Аксој рече дека Претставничкиот дом на Холандија е одвоен од реалноста, како што тоа често се случува во текот на изминатите години.

Аксој ја покани холандската Влада да се бори против расизмот, исламофобијата и ксенофобијата, наместо да применува дискриминаторски практики што доведуваат до оставка на Владата и да носи одлуки против Турција.




На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.