МУГЛА (АА) - Шумскиот пожар кој избувна во местото Мармарис во турската област Мугла се гаси од воздух и од копно, известува Агенција Анадолија (АА).

Пожарот кој започна на 21 јуни од засега неутврдени причини, продолжува да беснее во шумското подрачје на локацијата Бердубет во Хисарону.

Шумски работници и пожарникари во текот на ноќта интервенираа во гаснењето на пожарот од копно.

Од првите утрински часови пожарот почна да се гаси и од воздух.

Екипите интензивно работат на гаснењето на пожарот.

Министерот за земјоделство и шумарство, Вахит Киришчи и министерот за внатрешни работи, Сулејман Сојлу, ја следат работата од кризниот штаб.