ЛОНДОН (АА) — Унгарскиот премиер Виктор Орбан денес го отфрли спроведувањето на пактот за миграција на Европската Унија (ЕУ), велејќи дека неговата влада нема да потроши „ни денар за нив“, пренесува Анадолу.

„Сакам еднаш засекогаш да разјаснам: сè додека Унгарија има патриотска влада, ние нема да го спроведеме Миграцискиот пакт (Пактот за миграција и азил)“, напиша Виктор Орбан на американската компанија за социјални медиуми X.

Тој додаде: „Ceterum censeo: нема да прифаќаме мигранти и нема да потрошиме ни денар за нив!“

Владите на ЕУ го одобрија Пактот за миграција и азил во мај 2024 година, и покрај противењето од Полска, Унгарија и Словачка. Тој има за цел да ги распредели барателите на азил порамномерно низ земјите членки и да ги реформира граничните и процедурите за азил на Блокот.

Вчера, Европската комисија направи уште еден чекор во спроведувањето на пактот со започнување на првиот годишен циклус за менаџирање со миграцијата.

„Почнувањето на Годишниот циклус е клучна пресвртница во обезбедувањето ефикасно спроведување на Пактот од јуни 2026 година“, според ЕУ.