свет

Странските дипломирани студенти во Велика Британија имаат дозвола за престој за уште 2 години

Според сегашните регулативи, на дипломираните студенти им е дозволено да останат во земјата четири месеци

Ahmet Gürhan Kartal   | 11.09.2019
Странските дипломирани студенти во Велика Британија имаат дозвола за престој за уште 2 години

ЛОНДОН (АА) - Во услови на континуираниот хаос во врска со Брегзит, британската Влада денеска воведе мерка на стабилност и сигурност за неодамнешните странски дипломирани студенти, пренесува Anadolu Agency (AA).

„На странските студенти ќе им биде дозволено да останат во Велика Британија уште две години по нивното дипломирање“, соопшти Владата.

Новите продолжувања на визи за дипломираните студенти или завршени мастер-студии ќе стапат во сила за оние студенти кои започнале со студии во 2020-2021 година.

Според сегашните регулативи, на дипломираните студенти им е дозволено да останат во земјата четири месеци - регулатива воведена во 2012 година од тогашнaта министерка за внатрешни работи и идна премиерка, Тереза Меј.

Продолжувањето на визата ќе биде условно и ќе се однесува на студентите кои студираат на институции кои ги испонуваат правилата за имиграциски проверки на Велика Британија.

„Важниот придонес кој меѓународните студенти го даваат за нашата земја и универзитетите е културен и економски. Нивното присуство е во корист на Велика Британија, затоа ние го зголемивме периодот на останување на овие студенти во Велика Британија по нивните студии“, рече Гавин Вилијамсон, британскиот секретар за образование.

„Нашите универзитети се стремат да бидат отворени глобални институции. Воведување на постдипломскиот престој во земјата ќе осигури дека нашиот престижен сектор за високо образование ќе продолжи со привлекување на најдобрите таленти од целиот свет во Велика Британија“, додаде тој.

Британскиот секретар за внатрешни работи, Прити Пател, рече дека новата мерка „ја покажува нашата позиција во глобални рамки и покажува дека продолжуваме да ги привлекуваме најдобрите и најпаметните“.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
Поврзани теми
Bu haberi paylaşın