свет

Северна Кореја: Ким Џонг Ун се извини за убиството на јужнокорејски службеник

Шефот на јужнокорејската национална безбедност, Сух Хун, изјави дека севернокорејските власти му доставиле на официјален Сеул информации за текот на истрагата во врска со инцидентот.

Riyaz Khaliq   | 25.09.2020
Северна Кореја: Ким Џонг Ун се извини за убиството на јужнокорејски службеник

АНКАРА

Севернокорејскиот лидер Ким Џонг Ун упати извинување на Јужна Кореја поради убиството на официјален претставник кој се водеше за исчезнат во пограничниот регион, објавија локалните медиуми, пренесува Агенција Анадолија (АА).

Во формален допис до Јужна Кореја, Ким изрази жалење поради инцидентот и разочарувањето кое го доживеале јужнокорејскиот претседател Мун Џае Ин и неговиот народ.

Јужнокорејската војска вчера соопшти дека службеник на Министерството за океани и риболов исчезнал во понеделникот во водите покрај западниот пограничен остров Јеонпјеонг и дека тој бил убиен од севернокорејската армија, која потоа го запалила неговото тело.

Шефот на јужнокорејската национална безбедност, Сух Хун, изјави дека севернокорејските власти му доставиле на официјален Сеул информации за текот на истрагата во врска со инцидентот.

Северна Кореја призна дека армијата испукала најмалку десет истрели и го убила јужнокорејскиот службеник кој се нашол во водите на Северна Кореја, но ги негира обвинувањата за палење на телото.


На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.