свет

САД ја обвинуваат Кина за можно извршување геноцид во Ксинџијанг

„Кинеската Влада намерно работи на уништување на Ујгурите и другите малцински семејства, културата и религиозната приврзаност“, соопшти Конгресно-извршната комисија за Кина (CECC) во годишниот извештај за 2020 година.

Övünç Kutlu   | 15.01.2021
САД ја обвинуваат Кина за можно извршување геноцид во Ксинџијанг

АНКАРА

Комисијата на САД издаде извештај во кој вели дека Кина извршила злосторства против човештвото и можен геноцид врз Ујгурите и другите муслимански малцински заедници во западната покраина Ксинџијанг, јавува Агенција Анадолија (АА.

„Кинеската Влада намерно работи на уништување на Ујгурите и другите малцински семејства, културата и религиозната приврзаност“, соопшти Конгресно-извршната комисија за Кина (CECC) во годишниот извештај за 2020 година.

Покрај новите докази за систематска и широко распространета политика на принудна стерилизација и сузбивање на раѓање на Ујгури и други малцински популации, постојат половина милион деца на средна и школска возраст, од кои многумина неволно се одвоиле од своите семејства, соопшти Комисијата.

„Сите овие трендови треба да се земаат предвид кога се утврдува дали кинеската Влада е одговорна за извршување злосторства, вклучувајќи и геноцид врз Ујгурите, Казахстанците и другите туркиски и претежно муслимански етнички малцинства во Кина“, се вели во извештајот.

Кина е широко обвинета за ставање на Ујгурите во логори. Околу 1,6 милиони Ујгури ја напуштија Кина и живеат во странство, според Светскиот конгрес на Ујгурите.

Групите за права, вклучително и „Хјуман рајтс воч“ (Human Rights Watch) и „Амнести интернешнл“ (Amnesty International) го обвинуваат Пекинг за угнетување на 12 милиони Ујгури, од кои повеќето се муслимани.

Во извештајот на „Хјуман рајтс воч“ за 2018 година, детално е објавена кампањата на кинеската Влада за „масовно произволно притворање, тортура, присилна политичка индоктринација и масовно набљудување на муслиманите од Ксинџијанг“.

Кина, сепак, постојано ги негира обвинувањата дека води кампови за притворање во нејзиниот северозападен автономен регион, тврдејќи дека наместо тоа, таа ги „превоспитува“ Ујгурите.


На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
Поврзани теми
Bu haberi paylaşın