свет

Нобеловата награда за хемија во рацете на тројца научници

„Џон Б. Гудинаф, М. Стенли Витингам и Акира Јошино ја освоија Нобеловата награда во областа хемија“

Ahmet Gürhan Kartal   | 09.10.2019
Нобеловата награда за хемија во рацете на тројца научници

ЛОНДОН (АА) - Тројца истакнати научници се закитија со Нобеловата награда од областа на хемијата за 2019 година поради „развојот на литиум-јонски батерии“, соопшти денеска Советот за доделување на Нобелова награда, јавува Anadolu Agency (AA). 

„Џон Б. Гудинаф, М. Стенли Витингам и Акира Јошино ја освоија Нобеловата награда во областа хемија“, изјави на прес-конференцијата генералниот секретар на Кралската шведска академија за науки, Горан Хaнсон.

Гудинаф (96) е најстариот научник добитник на Нобелова награда во историјата.

Литиум-јонските батерии се познати како први лесни батерии. Тие широко се користат во преносните електронски уреди, како што се мобилните телефони и пејсмејкерите.

По доделувањето на Нобеловата награда за хемија, утре ќе биде познат и добитникот на Нобеловата награда за книжевност, а в петок ќе биде доделена Нобеловата награда за мир.

Исто така, в понеделник Академијата ќе го прогласи и добитникот на Нобелова награда во областа на економските науки.

Оваа година ќе бидат доделени две Нобелови награди за книжевност, бидејќи минатата година беше суспендирана откако Шведската академија ја потресе скандал.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
Поврзани теми
Bu haberi paylaşın