свет

НАТО во Лондон ја одбележува својата 70- годишнина

„Учесниците на Самитот ќе разговараат за актуелните безбедносни прашања и ќе донесат одлуки во правец на подготвноста на НАТО за иднината“

Büşra Nur Bilgiç   | 03.12.2019
НАТО во Лондон ја одбележува својата 70- годишнина

АНКАРА (АА) - Лидерите на земјите членки на НАТО денес ќе се состанат во Лондон за да ја одбележат 70-годишнината на Алијансата, јавува Агенција Анадолија (АА).

Кралицата Елизабета ќе биде домаќин на шефовите на државите и владите во Бакингамската палата на приемот, со што ќе се прослави 70-годишнината на Алијансата. 

Лидерите потоа ќе бидат пречекани од премиерот на Велика Британија, Борис Џонсон, на Даунинг стрит 10 на вечера. 

Лидерите на 29 земји членки на НАТО, меѓу кои и турскиот претседател, Реџеп Таип Ердоган, американскиот претседател, Доналд Трамп, премиерот на Велика Британија, Борис Џонсон, германската канцеларка, Ангела Меркел, францускиот претседател, Емануел Макрон, и канадскиот премиер, Џастин Трудо, присуствуваат на Самитот.

„Учесниците на Самитот ќе разговараат за актуелните безбедносни прашања и ќе донесат одлуки во правец на подготвноста на НАТО за иднината“, се вели во денешното соопштение на Алијансата.

„Се очекува да се постигне согласност за неколку мерки, меѓу кои и понатамошното усовршување на подготвеноста на сојузничките сили, прифаќање на просторот на вселената како подрачје на делување и уредување на акциониот план на НАТО за борбата против тероризмот“, се додава во соопштението.

Се истакнува дека лидерите ќе имаат и стратешка дискусија за Русија, за иднината на контролата на оружјето, како и за подемот на Кина.

Ердоган замина за Лондон рано утринава, а подоцна во текот на денот ќе има четирилатерална средба за Сирија со Макрон, Меркел и Џонсон.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
Поврзани теми
Bu haberi paylaşın