свет

Меѓународниот комитет на Црвен крст загрижен поради ескалацијата на судирите во источен Јемен

Изразена е сериозна загриженост поради ескалацијата на напнатоста, а страните се повикани да ја запрат војната и што подалеку од судирите да ги држат цивилите и нивната татковина, како и инфраструктурата.

Mehmet Nuri Uçar   | 19.02.2021
Меѓународниот комитет на Црвен крст загрижен поради ескалацијата на судирите во источен Јемен

ИСТАНБУЛ 

Меѓународниот комитет на Црвен крст (ICRC) изрази загриженост поради интензивирањето на насилството во градот Мариб, во источниот дел на Јемен, јавува Агенција Анадолија (АА).

Комитетот се огласи преку Твитер по ескалирањето на судирите меѓу иранските милиции на Хусите и владините сили во градот Мариб.

Изразена е сериозна загриженост поради ескалацијата на напнатоста, а страните се повикани да ја запрат војната и што подалеку од судирите да ги држат цивилите и нивната татковина, како и инфраструктурата.

Хусите на 17 февруари соопштија дека воспоставиле контрола врз голем број точки во окрузите Рахабе, Ел Џубе и Хариб, и наведоа дека градот Мариб ќе биде заземан во рок од 48 часа.

На брифингот на Советот за безбедност на ОН одржан на 18 февруари, специјалниот пратеник на ОН за Јемен, Мартин Грифитс, изјави дека нападите на Хусите врз Мариб мора да престанат.

Тој предупреди дека судирите во близина на камповите, во кои престојуваат раселените жители на Јемен, ги загрозиле животите на милиони цивили.

Истакнувајќи дека за ставање крај на кризата во Јемен е потребна меѓународна поддршка, Грифитс ги повика страните на прекин на огнот во целата земја.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.