свет

Истражување во Израел: Првата доза на вакцината на „Фајзер“ и „БајоНТех“ против Ковид-19 ефикасна 75 отсто

Експертите сметаат дека ова истражување го поддржува ставот, со оглед на тоа дека првата доза од вакцината на „Фајзер“/„БајоНТех“ дава висока заштита, втората доза да може да се даде подоцна наместо по три недели како што претходно се мислеше.

Mustafa Deveci   | 19.02.2021
Истражување во Израел: Првата доза на вакцината на „Фајзер“ и „БајоНТех“ против Ковид-19 ефикасна 75 отсто

КУДС

Резултатите од истражувањето спроведено во Израел покажуваат дека првата доза од вакцината која ја развија „Фајзер“ и „БајоНТех“ против Ковид-19 е ефикасна 75 отсто, јавува Агенција Анадолија (АА).

Во весникот „The Lancet“ се објавени резултатите од истражувањето на израелскиот Здравствен центар „Шеба“ во врска со вакцината на „Фајзер“/„БајоНТех“.

Болницата имаше надзор на 7.214 медицински работници две недели откако ја добиле првата доза од вакцината, па сѐ до четвртата недела, кога ја добиле втората доза. Тие ги споредија резултатите со контролните податоци и заклучија дека самата прва доза овозможува 85 отсто помалку симптоматски болести и намалување од 75 отсто кога е во прашање заразата.

Главниот лекар на Здравствениот центар „Шеба“, Арнон Афек, изјави дека истражувањето ја поддржува одлуката на британските власти на своите граѓани да им даваат една доза од вакцината.

Експертите сметаат дека ова истражување го поддржува ставот, со оглед на тоа дека првата доза од вакцината на „Фајзер“/„БајоНТех“ дава висока заштита, втората доза да може да се даде подоцна наместо по три недели како што претходно се мислеше.

На тој начин, во краток период може да биде зголемен бројот на лицата кои ја примиле првата доза од вакцината.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
Поврзани теми
Bu haberi paylaşın