ЕРУСАЛИМ/ИСТАНБУЛ (АА) – Израелскиот претседател Исак Херцог денес ја започна посетата на Замбија, што е негово прво патување во јужноафриканската земја, јавува Анадолу.

„Африка е иднината“, напиша Херцог на американската платформа за социјални медиуми Х.

Израел „отсекогаш верувал во Африка и придава големо значење на проширувањето на соработката во областите на трговијата, земјоделството, иновациите, науката и технологијата низ цела Африка“, додаде тој.

Канцеларијата на Херцог вчера соопшти дека тој ќе замине в понеделник на официјални посети на Замбија и Демократската Република Конго, во рамките на 24-часовна турнеја.

Во последниве години, Тел Авив се стреми да ги зајакне врските со африканските нации кои историски го поддржуваат палестинскиот народ под израелска окупација.

Заедно со турнејата на Херцог, израелскиот министер за надворешни работи Гидеон Сар утре треба да ја отвори новата амбасада на Израел во Талин, главниот град на Естонија.

Преку вакви дипломатски потези, Израел се обидува да ја прекине својата меѓународна дипломатска изолација, наметната како резултат на геноцидната војна во Газа, поддржана од САД, каде што од октомври 2023 година се убиени повеќе од 69.000 луѓе.