АНКАРА (АА) - Турција денес го критикуваше меѓународниот систем поради неуспехот да се справи со прашањето на меѓународните миграции и неговите трагични последици, вклучувајќи ги и над 100-те мигранти кои загинаа во Средоземното Море викендов, пренесува Anadolu Agency (AA).

„Меѓународниот систем, со молчењето пред оваа постојана драма и неуспехот да најде решение, е модерното лице на варваризмот“, напиша на Твитер портпаролот на турското Претседателство, Ибрахим Калин.

Калин се осврна на вчерашното загинување на 117 нерегуларни мигранти, откако чамецот што ги пренесуваше потона недалеку од брегот на Либија.

По инцидентот италијанскиот претседател Серџо Матарела ја изрази својата длабока тага за трагедијата што се случи во Медитеранот.

Меѓународната организација за миграции (IOM) проценува дека минатата година над 2.200 мигранти загинале или исчезнале, обидувајќи се да го преминат Средоземното Море.