Балкан, Коронавирус

Во Косово пристигнаа над 38.000 дози вакцини против Ковид-19 од програмата Ковакс

Со денешниот контингент, вкупниот број дози од вакцините обезбедени во рамките на Ковакс изнесува 62.400.

Agim Sulaj   | 12.05.2021
Во Косово пристигнаа над 38.000 дози вакцини против Ковид-19 од програмата Ковакс

ПРИШТИНА

Во Косово пристигна контингент од 38.400 дози вакцини против новиот вид коронавирус (Ковид-19), пренесува Агенција Анадолија (АА).

Според соопштението од Кабинетот на министерот на Косово, на Аеродромот „Адем Јашари“ во Приштина, новиот контингент вакцини во рамки на програмата Ковакс бил примен од премиерот на Косово, Албин Курти, министерот за здравство, Арбен Витиа, шефот на Канцеларијата на ЕУ во Косово, Томаш Сунијог, директорот во УНИЦЕФ, Мурат Сахин, и од амбасадорите на земјите членки на ЕУ.

Премиерот Курти упати благодарност до земјите на Квинт и другите организации за постојаната помош за Косово во борбата против пандемијата на Ковид-19.

Дипломатските претставници и претставниците на меѓународните организации во Косово ветија дека ќе обезбедат помош за Косово во овие заеднички напори.

Со денешниот контингент, вкупниот број дози од вакцините обезбедени во рамките на Ковакс изнесува 62.400.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
Поврзани теми
Bu haberi paylaşın