هەرێمی کوردستان.. چوار تووشبووی دیکەی کۆرۆنا لە سلێمانی گیانیان لەدەستدا
وەزارەتی تەندروستیی هەرێمی کوردستان گیانلەدەستدانی چوار تووشبووی دیکە بە ڤایرۆسی کۆرۆنا نوێ (COVID-19)ی لە پارێزگای سلێمانی راگەیاند.
Arbil
هەولێر - AA
وەزارەتی تەندروستیی هەرێمی کوردستان گیانلەدەستدانی چوار تووشبووی دیکە بە ڤایرۆسی کۆرۆنا نوێ (COVID-19)ی لە پارێزگای سلێمانی راگەیاند.
بەپێی راگەیەنراوەکەی وەزارەتی تەندروستیی هەرێمی کوردستان کە کۆپییەکی گەیشتووەتە ئاژانسی ئانادۆڵو، ئەو چوار تووشبووەی گیانیان لەدەستداوە، سێیان پیاون تەمەن ٧٥ و ٥٨ و ٥٢ ساڵ و ئەوەی دیکە ئافرەتێکی تەمەن ٧٠ ساڵە.
ئاماژە بەوەشدراوە کە سێ لەو تووشبووانەی کە گیانیان لەدەستداوە دانیشتووی ناو شاری سلێمانی و کەسەکەی دیکە دانیشتووی قەزای چەمچەماڵە.
وەزارەتی تەندروستیی هەرێمی کوردستان راشیگەیاندووە، ئەو چوار تووشبووەی گیانیان لەدەستداوە، دوای خەواندنیان لە نەخۆشخانە و مانەوەیان، گیانیان سپاردووە.