کۆڤید- ١٩

دوایین ئاماری په‌تای كۆرۆنا له‌ رووسیا

- لە رووسیا ژماره‌ی تووشبووانی په‌تای ڤایرۆسی كۆرۆنای نوێ گه‌یشته‌، ٧٢٧ هه‌زار و ١٦٢ كه‌س و ژماره‌ی گیانله‌ده‌ستدان به‌ په‌تاكه‌ به‌رزبووه‌وه‌ بۆ، ١١ هه‌زار و ٣٣٥ كه‌س.

Ali Cura  | 12.07.2020 - نوێکردنەوە : 12.07.2020
دوایین ئاماری په‌تای كۆرۆنا له‌ رووسیا

Moskova

مۆسكۆ- AA

له‌ رووسیا ژماره‌ی ئه‌و كه‌سانه‌ی تووشی په‌تای ڤایرۆسی كۆرۆنای نوێ (COVID-19) بوون گه‌یشته،‌ ٧٢٧ هه‌زار و ١٦٢ كه‌س و ژماره‌ی گیانله‌ده‌ستدان به‌ په‌تاكه‌ به‌رزبووه‌وه‌ بۆ، ١١ هه‌زار و ٣٣٥ كه‌س.

له‌ راگه‌یه‌نراوێكدا كه‌ له‌لایه‌ن ژووری ئۆپەراسیۆنی تایبەت بە بەرنگاربوونەوەی بڵاوبوونەوەی ڤایرۆسی کۆرۆنای نوێ لە رووسیا بڵاوكراوته‌وه‌، ئاماژه‌ به‌وه ‌كراوه‌ کە له‌ میانی ٢٤ كاتژمێری رابردوودا، شه‌ش هه‌زار و ٦١٥ كه‌سی دیكه‌ تووشی ڤایرۆسه‌كه‌ بوون، به‌وه‌یش كۆی گشتیی تووشبووان بۆ ٧٢٧ هه‌زار و ٦١٢ كه‌س به‌رزبووه‌ته‌وه‌.

هاوكات ١٣٠ كه‌سی دیكه‌ به‌ په‌تاكه‌‌ گیانیان له‌ده‌ستداوه‌ و كۆی گشتیی گیانله‌ده‌ستدان گه‌یشتووه‌ته،‌ ١١ هه‌زار و ٣٣٥ كه‌س، هه‌روه‌ها سێ هه‌زار و ٦١٥ توشبووی دیكه‌ی په‌تاكه‌ چاكبوونه‌ته‌وه‌، به‌وه‌یش كۆی گشتیی ئه‌وانه‌ی‌ چاكبوونه‌ته‌وه‌ به‌رزبووه‌ته‌وه‌ بۆ ٥٠١ هه‌زار و ٦١ كه‌س.

له‌سه‌رانسه‌ری رووسیا هه‌ڵكشانی رۆژانه‌ی‌ حاڵه‌ته‌كانی تووشبوون به‌ڕێژه‌ی ‌سه‌دا ٠،٩ به‌رده‌وامه‌ و له‌سه‌دا ٢٢،٥ی تووشبووان هیچ نیشانه‌یه‌كی نه‌خۆشییه‌كه‌یان نییه‌.

له‌ مۆسكۆی پایته‌ختی رووسیا له میانی‌ ٢٤ كاتژمێری رابردوودا، ٦٧٩ كه‌سی دیكه‌ تووشی ڤایرۆسی كۆرۆنا بوون و كۆی گشتیی حاڵه‌ته‌كانی تووشبوون گه‌یشته،‌ ٢٢٩ هه‌زار و ٣٥٧ كه‌س و گیانله‌ده‌ستدان به‌ په‌تاكه‌ ٢٧ حاڵه‌ت زیادی كردووه‌ و گه‌یشتووه‌ته،‌‌ چوار هه‌زار و ١٤٣ كه‌س.

له‌لایه‌كی دیكه‌وه‌ له‌ راگه‌یه‌نراوێكدا كه‌ له‌لایه‌ن ناوه‌ندی خزمه‌تگوزاریی پاراستنی ته‌ندروستیی گشتیی و مافه‌كانی به‌كاربه‌ر بڵاوكراوه‌ته‌وه‌، ئاماژه‌ به‌وه‌ كراوه‌ له‌ میانی ٢٤ كاتژمێری رابردوودا، ٣٢٢ هه‌زار پشكنین ئه‌نجامدراوه‌ و تا ئه‌مڕۆ زیاتر له‌ ٢٣ ملیۆن پشكنینی ڤایرۆسی كۆرۆنا ئه‌نجامدراوه‌.

یەکەم حاڵەتی تووشبوون بە ڤایرۆسی كۆرۆنای نوێ لە رووسیا لە ٣١ی کانوونی دووەمی رابردوودا تۆماركرا و یەکەم حاڵەتی گیان لەدەستدان به‌و په‌تایه‌ لە ١٩ی ئاداری رابردوودا تۆمار کرا.

سنوورداركردنی هاتوچۆ له‌ مۆسكۆ كه‌ له‌ ٣٠ی ئاداردا ده‌ستی پێ كرد له‌ نۆی حوزه‌یراندا هه‌ڵگیرا.


بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın