جيهان, وەرزش

گرژیی ئه‌مریكا-چین ته‌شه‌نه‌ی كرد بۆ نێو (NBA)

- دوای تویتەکەی به‌ڕێوه‌به‌ری گشتیی یانەی هۆستن رۆكێتس لە خولی با‌له‌ی ئه‌مریكا (NBA)، لیگی باله‌ی چین بڕیاریدا، په‌یوه‌ندییه‌كانی له‌گه‌ڵ ئه‌و یانه‌یه‌ هه‌ڵپه‌سێرێت.

Betül Yürük  | 08.10.2019 - نوێکردنەوە : 09.10.2019
گرژیی ئه‌مریكا-چین ته‌شه‌نه‌ی كرد بۆ نێو (NBA)

New York

نیویۆرك - AA

دوای ئه‌وه‌ی به‌ڕێوه‌به‌ری گشتیی هۆستن رۆكێتس كه‌ یه‌كێكه‌ له‌ یانه‌كانی لیگی با‌له‌ی ئه‌مریكا (NBA) تویتێكی كرد كه‌ پشتیوانییه‌ بۆ خۆپیشاندانه‌كانی هۆنگ كۆنگ، لیگی باله‌ی چین بڕیاریدا، په‌یوه‌ندییه‌كانی له‌گه‌ڵ ئه‌و یانه‌یه‌ هه‌ڵپه‌سێرێت و هه‌ندێک كه‌ناڵی ته‌له‌ڤیزیۆنیش رایانگه‌یاند كه‌ یارییه‌كانی ئه‌و یانه‌یه‌ په‌خش ناكه‌ن و هەروەها هه‌ندێک كۆمپانیاش سپۆنسه‌ریان بۆ یانه‌كه‌ كشانده‌وه‌.

تویتی ''خه‌بات بۆ ئازادی، پشتیوانی بۆ هۆنگ كۆنگ''ی به‌ڕێوه‌به‌ری گشتیی هۆستن رۆكێتس، داریل مۆری له‌ هه‌ژماری خۆی له‌ تۆڕی کۆمەڵایەتی تویته‌ر له‌ چین كاردانه‌وه‌ی لێكه‌وته‌وه‌.

وه‌ك كاردانه‌وه‌یه‌ك به‌رامبه‌ر تویته‌كه‌ی داریل مۆری، لیگی باله‌ی چین په‌یوه‌ندییه‌كانی له‌گه‌ڵ هۆستن رۆكێتس هه‌ڵپه‌سارد و هه‌ندێک كه‌ناڵی ته‌له‌ڤیزیۆنیش رایانگه‌یاند کە یارییه‌كانی هۆستن رۆكێتس په‌خش ناكه‌ن و هه‌ندێ كۆمپانیاش سپۆنسه‌ریه‌كانیان كشانده‌وه‌.

دوای كاردانه‌وه‌كان، NBA هه‌نگاوی بۆ دواوه‌نا و روونكردنه‌وه‌یه‌كی بڵاوكرده‌وه‌ كه‌ تیایدا نیگه‌رانی خۆی نیشاندا به‌رامبه‌ر بڵاوكراوه‌كه‌ی به‌ڕێوه‌به‌ری گشتیی هۆستن رۆكێتس، داریل مۆری هاوكات مۆری-یش تویته‌كه‌ی سڕیه‌وه‌.

له‌ لایه‌كی دیكه‌وه‌، به‌ پێی ئه‌و هه‌واڵانه‌ی له‌ راگه‌یاندنی ئه‌مریكادا بڵاوكراوه‌ته‌وه‌، سیناتۆری میسووری سه‌ر به‌ كۆماریخوازه‌كان، جۆش هاولی NBAی تۆمه‌تبار كرد كه‌ له‌ پێناو به‌رژه‌وه‌ندیه‌كانی ملی بۆ چین كه‌چكردووه‌ و داوای لێكرد پێش وه‌رزه‌كه‌ی چین یارییه‌كانی هه‌ڵبوه‌شێنێته‌وه‌.

بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın