Istanbul
ئیستانبوڵ - AA
هەڵبژاردەی تورکیا سبەی لە ئیستانبوڵ دوای ٤٤ ساڵ لە دوایین رووبەڕووبوونەوەیان، میوانداریی هەڵبژاردەی ئێران دەکات.
بڕیارە یارییەکە لە یاریگای فاتح تەریم لە ناوچەی باشاکشەهیری ئیستانبوڵ کاتژمێر ٢١:٤٥ دەستپێبکات و لە لایەن ناوبژیوانی ئۆزبەکستانی، ڤالێنتین کۆڤالێنکۆوە بەڕێوەببرێت.
هەردوو هەڵبژاردە بۆ دوایین جار لە ٢٠ی کانوونی دووەمی ساڵی ١٩٧٤دا لە شاری کەراچی پاکستان لە میانی جامی هاریکاریی ناوچەیی بۆ گەشەپێدان (RCD) رووبەڕووی یەکتر یارییان کردووە.
هەڵبژاردەی تورکیا دوایین یاریی نێوانیانی، بە گۆڵێکی بێ بەرامبەر بردبوویەوە.
یارییەکەی سبەیی نێوان تورکیا و ئێران حەوتەمین یاریی نێوانیانە لە مێژوودا.
لە شەش یاریی پێشووی نێوانیاندا تورکیا خاوەنی چوار بردنەوەیە و هەردوولاش لە دوو یارییدا یەکسانبوون. هەروەها لەو شەش یارییەی رابردوودا هەڵبژاردەی تورکیا ١٢ جار تۆڕی گۆڵی هەڵبژاردەی ئێرانی هەژاندووە و تەنها گۆڵێکی لێکراوە.
| بەروار | شوێن | پالەوانێتیی | ئەنجام |
| 20.01.1974 | کەراچی | جامی RCD | 1-0 |
| 17.09.1969 | ئەنقەرە | جامی RCD | 4-0 |
| 26.11.1967 | دەککا | جامی RCD | 1-0 |
| 16.03.1966 | تاران | جامی RCD | 0-0 |
| 25.07.1965 | تاران | جامی RCD | 0-0 |
| 28.05.1950 | ئیستانبوڵ | تایبەت | 6-1 |
