سلێمانی.. کتێبێک لەسەر دیلانی شاعیر بڵاو کرایەوە
لە مەراسیمێکدا لە باخچەی رێكخراوی گەشەپێدانی مەدەنییەت (CDO) لە سلێمانی، بە ئامادەبوونی پارێزگاری سلێمانی و ژمارەیەک هونەرمەند و نووسەر، كتێبی ''حەمە ساڵح دیلان دەروازەیەك بۆ هونەری دەنگخۆشی'' بڵاوكرایەوە.
As Sulaymaniyah
سلێمانی - AA
لە مەراسیمێکدا لە باخچەی رێكخراوی گەشەپێدانی مەدەنییەت (CDO) لە سلێمانی، بە ئامادەبوونی پارێزگاری سلێمانی و ژمارەیەک هونەرمەند و نووسەر، كتێبی ''حەمە ساڵح دیلان دەروازەیەك بۆ هونەری دەنگخۆشی'' بڵاوكرایەوە.
لە مەراسیمەكەدا، پارێزگاری سلێمانی، هەڤاڵ ئەبوبەكر، نەقیبی هونەرمەندانی كوردستان، نیاز نوری گوتاریان پێشكەشكرد.
دواتر نووسەری کتێبەکە، ساكار عەبدوڵڵا ئاماژەی بەوەدا کە مامۆستا محەمەد ساڵح دیلان یەكێكیە لەو نووسەر و هونەرمەندانەی كە رۆڵێكی دیاریان هەبووە لەسەدەی رابردوودا، بۆیە ئەم كتێبە ئەوی هەڵبژاردووە تا پشكنین لە مێژوویدا ئەنجام بدات و گوتی:
"دیلان بێجگە لە دەنگخۆشییەكەی رۆڵی لە چەند بوارێكی تردا هەبووە كە لەناو كتێبەكەدا ئاماژەم پێكردووە".