عێراق: "ئەرکی هێزەکانی هاوپەیمانان لە مانگی ئەیلوول کۆتایی پێ دێت"

بەغدا - AA

حوسن عەلاوی ڕاوێژکاری سەرۆکوەزیرانی عێراق محەمەد شیاع سوودانی ڕایگەیاند، ئەرکی هێزەکانی هاوپەیمانان بە فەرماندەیی ئەمریکا لە هەریەکە لە بەغدا و بنکە سەربازیی عەن ئەسەد لە ئەنبار، لە مانگی ئەیلوول کۆتایی پێ دێت.

عەلاوی لە لێدوانێکدا بۆ ئاژانسی هەواڵی فەرمی عێراق ڕایگەیاندووە، حکوومەتی عێراق پابەندە بە کۆتایی پێهێنانی ئەرکی هاوپەیمانی نێودەوڵەتی و ڕێکخستنەوەی هێزە ئەمنییەکان. پەیوەندییەکانی ئەمنی لەگەڵ هاوپەیمانان دەبەسترێتە بە پەیوەندییەکەی دوو لایەنە لە بوارەکانی سیاسی، ئابووری و کولتووری.

حوسێن عەلاوی ڕاشیگەیاندووە کە بە پێی ئەو خشتەیەی لەسەر ڕێککەوتن کراوە، ئەرکی هاوپەیمانان بۆ ساڵەکانی ٢٠٢٥-٢٠٢٦ کۆتایی پێ دێت و گوتیشی : "بە پێی ئەو ڕێککەوتنە ئەرکی هێزەکانی هاوپەیمانان بە فەرماندەیی ئەمریکا لە هەریەکە لە بەغدا و بنکە سەربازیی عەن ئەسەد لە ئەنبار، لە مانگی ئەیلوول کۆتایی پێ دێت. دوای ئەوە قۆناغێکی نوێ لە ئەرکی هاوپەیمانان ڕێککەوتنی لەسەر دەکرێت لە چوارچێوەی ڕاوێژکاری و بەرزکردنەوەی توانای هێزە ئەمنییەکان".

هێزەکانی هاوپەیمانی نێودەوڵەتی بە فەرماندەیی ئەمریکا دوای هێرشەکانی ڕێکخراوی تیرۆریستی داعش لە ساڵی ٢٠١٤ پێکهات.

هێزەکانی هاوپەیمانان جگە لە بەغدا و بنکە سەربازیی عەین ئەسەد لە ئەنبار، لە چەند بنکەیەکی مەشق و ڕاهێنانی سەربازیی لەوانەش هەولێر دەمێننەوە.