سەرۆکوەزیرانی عێراق: "پاراستنی گەل و وڵاتمان ئەرکی سەرشانمانە"

ھەولێر ــ AA

سەرۆکوەزیرانی عێراق، مستەفا کازمی رایگەیاند کە کارکردنیان لەژێر ئاڵای عێراقە و پاراستنی گەل و وڵاتەکەیان ئەرکی سەرشانیانە.

مستەفا کازمی لە ھەژماری تایبەتی خۆی لە تۆڕی کۆمەڵایەتی تویتەر نووسیوویەتی: "ئەمڕۆ لە نمایشی سەربازیی رۆڵەکانمان لە حەشدی شەعبی ئامادەبووین".

راشیگەیاندووە: "کارکردنمان لەژێر ئاڵای عێراقە و پاراستنی گەل و وڵاتمان ئەرکی سەرشانمانە".

حەوت ساڵ لەومەبەر حەشدی شەعبی لە عێراق پێکهێنرا کە ژمارەیەک گرووپی چەکداری شیعە لەخۆدەگرێت.