سەرۆکوەزیرانی عێراق بەرەو ئیمارات بەرێکەوت

بەغدا ــ AA

سەرۆکوەزیرانی عێراق، مستەفا کازمی بەسەرۆکایەتی شاندێکی باڵا، بەغدای پایتەختی بەجێھێشت و بەرەو ئیمارات بەرێکەوت.

نووسینگەی سەرۆکوەزیرانی عێراق لە راگەیەنراوێکدا ئاماژەی بەوەداوە کە ئەمڕۆ یەکشەممە، مستەفا کازمی بەسەرۆکایەتی شاندێکی باڵا بەغدای پایتەختی جێھێشتووە و بەرەو ئیمارات بەرێکەوتووە.

ئاماژە بەوەیشدراوە کە سەرۆکوەزیرانی عێراق، مستەفا کازمی لە سەردانەکەیدا بۆ ئیمارات، پەیوەندییە دووقۆڵییەکانی نێوان ھەردوو وڵات لەسەرجەم بوارەکاندا لەگەڵ بەرپرسانی ئیمارات تاوتوێ دەکات.