خۆپیشاندانی فەرمانبەرانی گرێبەست لە شاری ناسرییە باشووری عێراق

ھەولێر ــ AA

ژمارەیەکی زۆر لەو فەرمانبەرانەی کە بە گرێبەست لە سێ فەرمانگەی بواری کارەبای زیقار باشووری عێراق دامەزراون، خۆپیشاندانێکیان لە شاری ناسرییە سەنتەری پارێزگاکە ئەنجامدا و لە میانیدا داوایان کرد کە بکرێن بە فەرمانبەری ھەمیشەیی.

شایەتحاڵەکان بە ئاژانسی ئانادۆڵویان راگەیاند کە بەیانی ئەمڕۆ چوارشەممە، ژمارەیەکی زۆر لەو فەرمانبەرانەی کە بە گرێبەست لە فەرمانگەکانی دابەشکردنی کارەبا، بەرھەمھێنانی کارەبا و گواستنەوەی کارەبای سەربە بەڕێوەبەرایەتی کارەبای زیقار دامەزراون لە شاری ناسرییە خۆپیشاندانیان ئەنجامداوە.

بەگوتەی شایەتحاڵەکان لە میانی خۆپیشاندانەکەدا، خۆپیشاندەران فەرمانگاکانیان داخستووە و داوایانکردووە بکرێن بە فەرمانبەری ھەمیشەیی.

شایەتحاڵەکان ئاماژەیان بەوەیشداوە کە لە میانی خۆپیشاندانەکەدا، پێکھەڵپژان لەنێوان خۆپیشاندەران و ھێزە ئەمنییەکاندا، رووی نەداوە.