ھەولێر ــ AA

جێگری وەزیری دەرەوەی ئەمریکا بۆ کاروباری کارگێڕی و سەرچاوەکان، مایکڵ ڕیگاس بۆ تاوێکردنی ژمارەیەک پرسی گرنگ لەگەڵ بەرپرسانی عێراق، بەسەردانێک گەیشتە بەغدا.

باڵێۆزخانەی ئەمریکا لە بەغدا لە ڕاگەیاندراوێکدا ئاماژەی بەوەداوە کە ئەمڕۆ دووشەممە، مایکڵ ڕیگاس بەسەردانێک گەیشتووەتە بەغدا.

ڕاشیگەیاندووە: "سەردانەکەی مایکڵ ڕیگاس بۆ بەغدا پەیوەندیی نێوان ئەمریکا و عێراق بەھێز دەکات لە رێگەی پەیوەندی لەگەڵ سەرکردەکان و کۆمەڵگە خۆجێییەکان، بۆ پاڵپشتیی لە ئامانجە ھاوبەش و پەیوەندیدارەکان بۆ بەدیھێنانی سەروەری و گەشەپێدان".

ھەروەھا چاوەڕوان دەکرێت جێگری وەزیری دەرەوەی ئەمریکا بۆ کاروباری کارگێڕی و سەرچاوەکان، مایکڵ ریگاس سەردانی ھەرێمی کوردستان بکات کە لە میانیدا باڵەخانەی نوێی کۆنسوڵخانەی گشتیی ئەمریکا لە ھەولێر بکاتەوە.