بەغدا.. رێگریکردن لە هێزە ئەمنییەکان بۆ هەڵکوتانە سەر گۆڕەپانی تەحریر
- سەرچاوەیەکی ئەمنی:"خۆپیشاندەرێکی زۆر رێگەیان بە هێزە ئەمنییەکان نەداوە هەڵبکوتنە سەر گۆڕەپانی تەحریر ناوەڕاستی بەغدا".
Iraq
بەغدا - AA
سەرچاوەیەکی ئەمنی رایگەیاند کە خۆپیشاندەرێکی زۆر رێگەیان بە هێزە ئەمنییەکان نەداوە هەڵبکوتنە سەر گۆڕەپانی تەحریر ناوەڕاستی بەغدا.
سەرچاوەکە لە لێدوانێکدا بۆ ئاژانسی ئانادۆڵو گوتی: "هێزە ئەمنییەکان وەک هەوڵێک بۆ کۆتایی هێنان بە خۆپیشاندانەکان لە گۆڕەپانی خەلانی-یەوە بە ئاراستەی گۆڕەپانی تەحریر ناوەڕاستی بەغدا دەستیان بە جووڵەکردن کردووە".
بە گوتەی سەرچاوەکە سەدان خۆپیشاندەر بەربەستیی مرۆییان دروستکردووە و رێگەیان بە هێزە ئەمنییەکان نەداوە هەڵبکوتنە سەر گۆڕەپانی تەحریر ناوەڕاستی بەغدا.
لای خۆیەوە خۆپیشاندەرێکی گۆڕەپانی تەحریر بە ناوی کەریم ئەسەدی بۆ ئاژانسی ئانادۆڵو دوا و گوتی: "هێزە ئەمنییەکان لەمیانی نزیکبوونەوەیان لە گۆڕەپانی تەحریر تەقەیان بە ئاسماندا کردووە بۆ ئەوەی خۆپیشاندەرانی پێ بترسێنن، بەڵام خۆپیشاندەران بەرپەرچی هێزە ئەمنییەکانیان داوەتەوە و رێگەیان پێ نەداون تا لە گۆڕەپانی تەحریر نزیک ببنەوە".
پێشتر فەرماندەی ئۆپەراسیۆنەکانی بەغدا رایگەیاندبوو کە سەرجەم رێگەکان لە ناوەڕاستی شاری بەغدا بە رووی هاتووچۆدا کراونەتەوە.
بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن